PS krijon koalicionin zgjedhor “Aleanca për Shqipërinë Europiane”

Partia Socialiste më e madhja e maxhorancës së majtë në Shqipëri, ka hedhur një hap të ri drejt zgjedhjeve lokale të 30 qershorit. Bashkë me 23 parti të majta ajo ka ka firmosur koalicionin zgjedhor “Aleanca për Shqipërinë Europiane”. Në dokumentin e nënshkruar nga krerët e partive theksohet se objektivi i koalicionit është fitorja e zgjedhjeve administrative të 30 qershorit. Në emër të këtyre partive PS merr përsipër garantimin e një proçesi zgjedhor dhe të numërimit të votave krejtësisht transparent sipas standarteve të çertifikuara dhe nga “OSBE-ODIHR”. Koalicioni ka autorizuar kreun e PS Edi Rama të zgjerojë “Aleanca për Shqipërinë Europiane” edhe me parti të tjera politike.