PS mbledh grupin parlamentar dhe qeverinë për “Praninë Besnike”, zbulohet data

Partia Socialiste do të mbledhë të enjten, më 3 shtator, Grupin Parlamentar dhe qeverinë në kuadër të diskutimeve për “Praninë Besnike”.

Mbledhja e zgjeruar e Grupit Parlamentar do të zhvillohet në orën 10:00, në Pallatin e Brigadave.

Njoftimi për mbledhjen u është dërguar deputetëve socialistë nga administrata e grupit parlamentar.

Takimi pritet të shërbejë për diskutimin e çështjeve që lidhen me “Praninë Besnike”, ndërsa mbledhja do të zhvillohet në një moment kur mazhoranca po përgatitet për zhvillimet e reja politike të sesionit parlamentar.