Pse meriton vëmendje takimi i udhëheqësve Kinë-Gjermani-BE
Më 14 shtator, presidenti i Kinës Xi Jinping, kancelarja gjermane Angela Merkel, presidenti i Këshillit Evropian Charles Michel dhe presidentja e Komisionit Evropian Ursula von der Leyen do të zhvillojnë një videokonferencë. Pavarësisht nga perspektiva e Kinës dhe Evropës, gjendja dypalëshe apo ndërkombëtare, ky takim meriton vëmendjen e të gjitha palëve.
Ky vit shënon 45-vjetorin e vendosjes së marrëdhënieve diplomatike midis Kinës dhe BE-së. Të dyja palët kanë nisur herët përgatitjen e shumë aktiviteteve të rëndësishme kremtuese. Sidoqoftë, shpërthimi i papritur i epidemisë së COVID-19 prishi rendin ekzistues të shkëmbimeve diplomatike. Plani fillestar ishte që presidenti Xi Jinping të shkonte në Leipzig, të Gjermanisë në shtator për të marrë pjesë në samitin Kinë-BE dhe për shkak të COVID ky takim u shty. Sidoqoftë, ritmi i thellimit të partneritetit gjithëpërfshirës strategjik Kinë-BE nuk është cënuar. Prej fillimit të vitit, udhëheqësit e lartë të Kinës dhe Evropës kanë mbajtur komunikim të shpeshtë përmes kanaleve të ndryshme. Në qershor, udhëheqësit kinezë dhe homologët e BE-së mbajtën takimin e tyre të parë zyrtar përmes videos. Zyrtarët e nivelit të lartë të Kinës bënë vizita të njëpasnjëshme në Evropë, duke lëshuar sinjale të forta për thellimin e mëtejshëm të bashkëpunimit, gjë që tregon rëndësinë e marrëdhënieve Kinë-BE në politikat e tyre përkatëse të jashtme. Kjo gjithashtu tregon se në gjendjen e tanishme të ndërlikuar ndërkombëtare, marrëdhëniet Kinë-BE po bëhen më të qëndrueshme dhe më të pjekura.
Negociatat e marrëveshjes së investimeve Kinë-BE pritet të zënë një pjesë të rëndësishme në takimin e së hënës së ardhshme. Negociatat filluan në vitin 2013 dhe kanë zgjatur për shtatë vjet, kanë kaluar nëpër mbi 30 raunde dhe kanë bërë përparim të rëndësishëm. Të dy palët kohët e fundit kanë shprehur dëshirën e tyre të fortë për të përfunduar negociatat brenda vitit. Gjatë vizitës së tij në Gjermani në 1 shtator, Wang Yi theksoi se negociatat e marrëveshjes së investimeve Kinë-BE kanë arritur fazën e fundit. Të dy palët duhet të rrisin investimet dhe të marrin vendime politike kur është e nevojshme për të zgjidhur çështjet e mbetura sa më shpejt të jetë e mundur për të siguruar që negociatat të përfundojnë në kohë. Kancelarja gjermane Merkel deklaroi në 28 gusht se Gjermania është presidenca e radhës e BE-së në gjysmën e dytë të këtij viti dhe do të promovojë forcimin e mëtejshëm të bashkëpunimit midis Evropës dhe Kinës, duke shpresuar që negociatat e marrëveshjes së investimeve BE-Kinë do të bëjnë përparim të ri. Dhoma e Tregtisë e Bashkimit Evropian në Kinë sapo publikoi “Propozimin e BE-së për Biznesin në Kinë 2020/2021” më 10 shtator. Ky dokument nënvizoi se marrëveshja e rëndësishme strategjike e investimeve ku përfitojnë investitorët nga të dy palët do t’u provojë partnerëve të tjerë ekonomikë se bashkëpunimi i sinqertë mund të arrijë rezultate pozitive. Kryetari i Dhomës së Tregtisë Joerg Wuttke i përshkroi muajt e fundit të këtij viti si një mundësi “dridhjeje”.
Kina dhe Evropa janë dy forca kryesore në botë, dy tregjet kryesore dhe dy qytetërime kryesore. Ajo që ata mbështesin, ajo që kundërshtojnë dhe ajo me të cilën bashkëpunojnë kanë rëndësi botërore.
