Rama: Edhe një javë për të aplikuar për t’u punësuar në Zyrën e Bashkëqeverisjes me Qytetarët
Kryeministri Edi Rama deklaroi dje se ka ende edhe një javë për të aplikuar për t’u punësuar në Zyren e Bashkëqeverisjes me Qytetarët
Nëpërmjet një postimi në statusin e tij social Facebook, Rama shprehet: “ZYRA E RE E BASHKEQEVERISJES (6)- Edhe një javë për të aplikuar! Numri i aplikimeve për t’u punësuar në Zyren e Bashkëqeverisjes me Qytetarët është sot 275”.
Me tej, kryeministri Rama shton se “Falenderojmë të interesuarit për aplikimet e tyre sipas kërkesave të aplikimit, për të cilin rikujtojmë së kërkohet Leter Motivimi (pse dua të punoj në këtë zyrë) + CV + 2 letra rekomandimi të kandidaturës (nga ish-dekanë ose pedagogë të fakultetit ku aplikanti ka kryer studimet; punëdhënës të meparshëm; figura të respektuara të komunitetit ku aplikanti ka banuar apo banon aktualisht). Përndryshe aplikimi konsiderohet i pavlefshem”.
Po ashtu, kryeministri Rama thekson se “Aplikimet janë të hapura deri ne 27 gusht.Të gjithë ata që lexojnë për herë të pare për këtë zyrë të posaçme, e cila do te ngrihet menjeherë me krijimin e qeverise se re, mund te marrin nje informacion të plotë ne postimin nr.1 me të njëjtin titull. Faleminderit. Grupi i Punës për ngritjen e Zyrës së Bashkëqeverisjes”
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.