Rama ndan pamjet nga punimet në aksin Elbasan-Qafë Thanë: Një nga investimet më të rëndësishme për vizionin “Shqipëria 2030″

Kryeministri Edi Rama ka ndarë në rrjetet sociale pamje nga ecuria e punimeve në aksin rrugor Elbasan-Qafë Thanë, duke e cilësuar atë si një nga investimet më të rëndësishme infrastrukturore në vend.

Përmes një postimi në Facebook, Rama bëri me dije se punimet po vijojnë me ritme të larta dhe se ky projekt po shkon çdo ditë e më shumë drejt përfundimit.

Kreu i qeverisë thekson gjithashtu se ky segment i ri do të përmirësojë ndjeshëm lëvizshmërinë e mjeteve dhe sigurinë rrugore, ndërsa do t’i japë një impuls të ri zhvillimit ekonomik e turistik të zonave që lidhen përmes këtij aksi.

“Punimet në rrugën Elbasan-Qafë Thanë vijojnë me ritme të larta, duke sjellë çdo ditë më pranë përfundimin e një prej investimeve më të rëndësishme infrastrukturore në vend.

Ky projekt do të përmirësojë ndjeshëm qarkullimin, do të rrisë sigurinë rrugore dhe do të krijojë më shumë mundësi për zhvillimin ekonomik e turistik të zonave që lidhen përmes këtij aksi.

Vijojmë me infrastrukturë moderne dhe funksionale, që i përgjigjet nevojave të qytetarëve dhe vizionit për Shqipërinë 2030”, ka shkruar Rama.