Rama në Vlorë, inspekton rikonstruksionin e shkollës “Rilindja” dhe punimet për shëtitoren në vijën bregdetare
Kryeministri Edi Rama, i shoqëruar nga Ministrja e Arsimit, Lindita Nikolla, vizitoi sot shkollën “Rilindja” në qytetin e Vlorës, e cila ka përfituar nga programi i qeverisë për rehabilitimin e infrastrukturës shkollore.
Në shkollën artistike “Rilindja”, me një investim prej mbi 60 milionë lekë janë rikonstruktuar ambientet e brendshme dhe terreneve sportive. 21 klasa mësimore, biblioteka, palestër dhe terrene të jashtme sportive do të ofrojnë kushte krejtësisht ndryshe të mësimdhënës për 825 nxënësit e kësaj shkolle. Edhe për këtë shkollë, risi është pajisja e saj me sistem qendror ngrohjeje dhe sistemin e mbrojtjes kundër zjarrit.
Tashmë edhe kjo shkollë është rikonceptuar jo vetëm si një mjedis ku jepet mësim. Klasat e pikturës, të muzikës, kabineti i informatikës, si edhe terrenet sportive janë në dispozicion të nxënësve edhe ditën e shtunë për aktivitete jashtëshkollore. Një klasë e veçantë i kushtohet fëmijëve të emigrantëve të thyer rishtas, për t’i ndihmuar ata të integrohen sa më shpejt në kushtet e reja për ta.
Në dy vjet, nga programi i qeverisë, përmes Ministrisë së Arsimit, Vlora ka përfituar 12 herë më shumë investime për rehabilitimin e infrastrukturës shkollore. Në periudhën 2014-2015, për Qarkun e Vlorës është investuar për ndërtimin dhe rikonstruksionin e 10 objekteve shkollore, me vlerë totale mbi 515 milionë lekë, kundrejt vetëm 43 milionë lekë në periudhën 2012-2013.
Rama inspekton punimet për shëtitoren në vijën bregdetare të Vlorës
Rama inspekton punimet për shëtitoren në vijën bregdetare të Vlorës
Gjatë vizitës në Vlorë Kryeministri Rama inspektoi edhe punimet e projektit për shëtitoren në vijën bregdetare të Vlorës. Ky projekt ka përmbyllur 42% të punimeve dhe brenda dy javëve pritet të nisë faza e dytë e tij, mbjellja e pemëve përgjatë saj.
Kryeministri Rama pa në terren avancimin e projektit. Faza e parë e projektit trajtoi zgjerimin e brezit ranor dhe mbushjen e lartësimin me rërë të plazhit, duke u përshtatur me shëtitoren. Ndërsa në këtë fazë të dytë do të bëhet gjelbërimi i shëtitores përgjatë vijës bregdetare.
Kryeministri shoqërohej nga kryetari i bashkisë Vlorë dhe prefektja dhe deputetë të këtij Qarku.
