Rama takohet sërish me Metën

Kryeministri Edi Rama dhe kreu i Kuvendit, Ilir Meta janë takuar rreth orës 10:00 të së mërkurës në ambientet e Kryesisë e Kuvendit.

Ky është takimi i dytë mes aleatëve të qeverisë brenda pak ditësh.

Rama u takua me Metën edhe para disa ditësh, menjëherë sapo mbërriti nga Nju Jorku.

Situata politike në vend, pakënaqësitë e lindura brenda koalicionit qeveritar me zhvillime të shumta për çështjen e CEZ, që kulmoi në Parlament me rrëzimin e një kërkese të opozitës për hetim ndërkombëtar, besohet se ka qenë në qendër të bashkëbisedimit të dy aleatëve.

As Kuvendi dhe as qeveria nuk dhanë detaje për takimin, por u tha vetëm se ai zgjati 90 minuta dhe ishte i qetë.