Rekord historik në zgjedhjet e Hungarisë, “tërmet” elektoral! Pjesëmarrja arrin 74 %

Në Hungari po regjistrohet një pjesëmarrje shumë e lartë në zgjedhjet parlamentare, me të dhënat e orës 17:00 që tregojnë se 74.23% e votuesve kanë ushtruar të drejtën e votës.

Derimë tani, procesit zgjedhor i janë bashkuar 5,587,935 qytetarë nga gjithsej 7,527,742 persona të regjistruar në listat e votuesve.

Krahasuar me zgjedhjet e vitit 2022 në të njëjtën orë, pjesëmarrja është më e lartë me 11.31%, duke reflektuar një angazhim të shtuar të qytetarëve në këtë proces.

Votimi ka vijuar me ritëm të qëndrueshëm gjatë gjithë ditës dhe autoritetet presin që përqindja finale të rritet më tej deri në mbylljen e qendrave të votimit, duke e afruar procesin me nivele rekord.

The post Rekord historik në zgjedhjet e Hungarisë, “tërmet” elektoral! Pjesëmarrja arrin 74 % appeared first on Euronews Albania.