Rezaei i kundërpërgjigjet Bessent-it: “Hormuzi nuk do të hapet me kërcënime”

Presidenti i Këshillit të Lartë të Sigurisë Kombëtare të Iranit, Mohsen Rezaei, i është kundërpërgjigjur publikisht sekretarit amerikan të Thesarit, Scott Bessent, në një shkëmbim deklaratash në rrjetin X që e kthen vëmendjen te beteja ekonomike mes dy vendeve, siç njofton Al Jazeera në liveblog-un e sotëm për luftën.

Bessent shkroi të hënën se “Operation Economic Outcast”, plani i Uashingtonit për të izoluar burimet globale të të ardhurave të Iranit, po jep rezultate. Por Rezaei e hodhi poshtë këtë pretendim, duke shkruar: “Hormuzi nuk do të hapet me kërcënime apo presion. Irani nuk do të tërhiqet.”

Sekretari iranian i sigurisë i quajti “parashikimet deluzive të Bessent-it”, duke thënë se ato “nuk kanë pasur kurrë ndonjë kredibilitet”, dhe e mbylli mesazhin me një paralajmërim të drejtpërdrejtë: “E humbët luftën ushtarake. Do të dështoni edhe në luftën ekonomike.”

Shkëmbimi vjen në një moment kur Ngushtica e Hormuzit mbetet nën kontrollin e Teheranit, i cili ka kushtëzuar rihapjen e saj me heqjen e sanksioneve ekonomike dhe ndalimin e plotë të armiqësive, ndërsa SHBA zbaton bllokadën detare ndaj eksporteve iraniane të naftës.