Riaktivizohen zjarret në Kalivaç të Lezhës, ndërhyjnë forcat e ushtrisë dhe helikopteri

Disa vatra zjarri në fshatin Kalivaç të Lezhës janë riaktivizuar, ndërsa ka nisur ndërhyrja për shuarjen e flakëve nga forcat e ushtrisë në zonën e Kodrës së Liqenit, si dhe në luginën e Vomës, në fshatin Rras.

Për shuarjen e flakëve është angazhuar edhe një helikopter, ndërsa vijon puna e strukturave në terren për vënien nën kontroll të zjarrit dhe parandalimin e përhapjes së tij.