Riaktivizohet zjarri në zonën e Pishporos pranë grykëderdhjes së Vjosës, dy avionë nisin ndërhyrjen nga ajri

Zjarri që ra ditën e djeshme në zonën e Pishporos, pranë grykëderdhjes së Vjosës, është riaktivizuar sërish.

Sipas raportimeve, mësohet se flakët janë përhapur në zonën e prekur nga zjarri, ndërsa në këto momente ka nisur ndërhyrja nga ajri. Dy avionë janë angazhuar për shuarjen e flakëve dhe vënien nën kontroll të situatës. Terreni i vështirë dhe era favorizojnë përhapjen e zjarrit, duke e bërë ndërhyrjen nga toka më të vështirë.