Roberto Vergori mbërrin në Prishtinë, nis tranzicioni për marrjen e komandës së KFOR-it
Komandanti i ardhshëm i misionit të NATO-s u prit në takim nga gjeneralmajor Ozkan Ulutash; ceremonia e dorëzimit të komandës mbahet më 14 tetor në selinë e misionit në Prishtinë
Gjeneralmajor Roberto Vergori, i cili do të marrë komandën e misionit të NATO-s në Kosovë, ka mbërritur në Prishtinë, ku u prit në takim nga komandanti aktual i KFOR-it, gjeneralmajor Ozkan Ulutash, siç njofton Klan Kosova.
Sipas njoftimit të KFOR-it, në ditët e ardhshme të dy komandantët do të bashkëpunojnë ngushtë në kuadër të procesit të tranzicionit, për të siguruar vazhdimësinë e aktiviteteve të misionit.
Ceremonia e dorëzimit të komandës së KFOR-it është planifikuar për më 14 tetor 2026, në selinë e misionit të NATO-s në Prishtinë.
KFOR-i është misioni i NATO-s në Kosovë që operon në kuadër të Rezolutës 1244 të Këshillit të Sigurimit të OKB-së, me mandat për ruajtjen e një mjedisi të qetë e të sigurt për të gjithë qytetarët dhe për lirinë e lëvizjes, në koordinim të ngushtë me Policinë e Kosovës dhe EULEX-in.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.