ROMË – Meloni: Mbështetja për Ukrainën mund të ketë kosto politike, por nuk do të ndryshoj qëndrim

– Kryeministri italiane, Giorgia Meloni, deklaroi se është plotësisht e vetëdijshme që mbështetja e Italisë për Ukrainën mund të ketë një kosto politike, por theksoi se nuk ka ndërmend të ndryshojë qëndrimin e saj.

“Jam plotësisht e vetëdijshme se mbështetja jonë për Ukrainën mund të ketë një çmim politik dhe se mund të ketë edhe një pjesë të elektoratit tonë që nuk është dakord, por nuk kam ndërmend të ndryshoj qëndrim”, u shpreh Meloni.

Deklarata e kryeministres italiane është publikuar në një fragment të librit të gazetarit Bruno Vespa, me titull “Historia e Republikës së Dytë. Nga Berlusconi te Meloni, nga Prodi te Schlein”, i cili pritet të dalë në qarkullim të hënën, më 2 nëntor, nga shtëpia botuese Mondadori-Rai Libri.

“Unë nuk e mbështes Ukrainën thjesht për ukrainasit. E bëj këtë për Italinë. Një kontekst ndërkombëtar, ku vlen vetëm ligji i atij që është ushtarakisht më i fortë, nuk i shërben interesave të vendit tonë. Kjo nuk është një opinion politik, por një fakt”, argumentoi Meloni.