Rrëzohet një avion me 58 persona në bord

Një avion i kompanisë ”TransAsia” u përplas me një urë të ngritur dhe u rrëzua në një lum në Taipei me 58 persona në bord, 11 prej të cilëve dyshohet se kanë humbur jetën, ndërkohë që 33 të tjerë kanë shpëtuar.

Bëhet fjalë aksidentin e dytë të pësuar nga kompania tajvaneze, pas rrëzimit në muajin korrik të një avioni me 48 persona në bord.

Imazhe nga video amatore tregojnë avionin ATR 72-600 të ”TransAsias” duke humbur kontrollin dhe duke u përplasur me një urë të ngritur dhe zhytur në një lumë.

Agjencia tajlandeze e lajmeve CNA, duke cituar një zyrtar vendas, ka raportuar se avioni është rrëzuar pasi ka goditur një urë të ngritur. ATR-72 sapo ishte ngritur nga aeroporti ”Taipei Songshan” me destinacion një aeroport në periferi të Tajvanit.

Lin Kuan-cheng, një zyrtar i shërbimeve të shpëtimit deklaroi se vdekja e një personi ishte konfirmuar ndërkohë që 10 të tjerë nuk kishin asnjë shenjë jete.