Rritet numri i emigrantëve që hapin biznese private në Gjermani

Siç konstatoi Banka shtetërore për Zhvillimin, KfW, në vitin 2013 një ndër pesë firma janë krijuar nga një emigrant, ose emigrante (21 për qind). Një vit më parë ishin dy për qind më pak, rreth 19 për qind.

Gjithsej 868.000 njerëz vitin e kaluar guxuan të hedhin hapin drejt vetëpunësimit, 93.000 më shumë se në vitin 2012.

Në pesë vitet e fundit (2008 deri 2013) në grupin e sipërmarrësve në Gjermani janë më shumë të përfaqësuar turqit (21 për qind). Pas tyre vijnë njerëzit me shtetësi ruse (10 për qind), polake (7 për qind), apo italiane (5 për qind).

Sipas KFW-së, njerëzit me prejardhje migrimi “janë më ofensivë në nismat e tyre për hapur biznese, për shembull duke punësuar punonjës, edhe në qoftë se krijimi i firmës ishte një vendim për shkak të mungesës së mundësive të punësimit”.

Megjithatë edhe numri i rasteve të ndërprerjes së veprimtarisë së vetëpunësimit është më i lartë. Ndërsa në të gjitha bizneset e reja një e treta e firmave nuk ekzistojnë më, në sipërmarrjet me një pronar me origjinë të huaj janë 39 për qind.