Kryeministrja rumune, Viorica Dancila duke mohuar atë që u tha dje nga presidenti Klaus Iohannis, siguroi sot se vendi i saj ishte gati dhe i përgatitur të merrte presidencën e radhës të BE-së më 1 janar, bëri të ditur shtypi vendas.
“Ju siguroj se Rumania është e gatshme, edhe në planin logjistik, edhe në atë organizativ”, tha kryeministrja, e cituar nga media rumune.
Dancila, një eksponente politike pak e njohur në vend, mori udhëheqjen e qeverisë në janar të vitit të kaluar, edhe pse në të vërtetë prapa saj qëndron Liviu Dragnea, udhëheqës i fuqishëm i Partisë Socialdemokrate, i cili është kreu i vërtetë i ekzekutivit rumun.
Presidenti konservator Iohannis, i cili është shumë kritik ndaj qeverisë të udhëhequr nga qeveria socialdemokratike, kishte thënë se Rumania nuk ishte gati për presidencën e BE-së dhe kishte kërkuar haptazi dorëheqjen e ekzekutivit, të cilin e konsideron ”një incident të demokracisë rumune”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.