Rusët sulmojnë një objekt të infrastrukturës kritike në Dnipro, një i plagosur

Kreu i Administratës Ushtarake Rajonale të Dnipropetrovskut, Oleksandr Hanzha, njoftoi se në objekt shpërtheu zjarr, ndërsa nga sulmi u dëmtua edhe stadiumi i një liceu të qytetit.

Trupat ruse sulmuan të martën një objekt të infrastrukturës kritike në qytetin Dnipro. Siç njofton Ukrinform, duke iu referuar kreut të Administratës Ushtarake Rajonale të Dnipropetrovskut, Oleksandr Hanzha, në objekt shpërtheu zjarr dhe një person u plagos.

“Armiku sulmoi në Dnipro një objekt të infrastrukturës kritike. Atje shpërtheu zjarr. U plagos një person”, informoi Hanzha në Telegram.

Sipas kreut të administratës rajonale, nga sulmi rus u dëmtua edhe stadiumi i një liceu të qytetit; në institucionin arsimor u thyen dritaret. Sipas informacionit paraprak, nga granatimi në zonën e liceut nuk pati të lënduar të tjerë.

Sulmi i ditës vjen pas një nate intensive në rajon: që nga mbrëmja e së hënës, rusët sulmuan mbi 40 herë Dnipron dhe rajonin e Dnipropetrovskut me dronë dhe bomba ajrore, duke plagosur tre gra.