Rusia sulmoi objektet e energjisë në rajonin e Zhytomyrit gjatë natës, thotë guvernatori

Rusia sulmoi objektet e energjisë dhe infrastrukturën tjetër civile në rajonin verior të Zhytomyrit të Ukrainës mbrëmjen e së martës dhe gjatë natës, njoftoi guvernatori rajonal të mërkurën.

Sipas Reuters, guvernatori i rajonit të Zhytomyrit, Vitali Bunechko, tha se ishin goditur objekte energjie si dhe biznese të sektorit ushqimor dhe të përpunimit.

Sulmi i ri vjen në një periudhë ku Moska po intensifikon goditjet ndaj infrastrukturës energjetike të Ukrainës, në prag të dimrit — një strategji që po shkakton ndërprerje të energjisë në pjesë të ndryshme të vendit.

Rajoni i Zhytomyrit ndodhet në veriperëndim të Kievit dhe ka qenë në shënjestër edhe në javët e kaluara, ndërsa forcat ruse vijojnë fushatën e sulmeve ndaj rrjetit energjetik ukrainas.

Zyrtarët ukrainas e kanë përshkruar fushatën e sulmeve ndaj energjisë si përpjekje për të lodhur mbrojtjen ajrore të Ukrainës dhe për ta lënë vendin pa energji para sezonit të ftohtë.