Samiti BRICS, udhëheqësit e Emirateve të Bashkuara Arabe dhe Iranit takohen për herë të parë që nga nisja e luftës

Udhëheqësit e Emirateve të Bashkuara Arabe dhe Iranit janë takua në samitin e BRICS për herë të parë që nga nisja e luftës në Lindjen e Mesme.

Princi i Kurorës së Abu Dhabit, Sheikh Khaled bin Mohamed bin Zayed Al Nahyan, u takua të dielën me presidentin iranian Masoud Pezeshkian gjatë samitit të BRICS në Indi, disa javë pasi Emiratet e Bashkuara Arabe njoftuan pezullimin e marrëdhënieve tregtare dhe financiare me Teheranin.

Zyra e Medias në Abu Dhabi tha se të dy udhëheqësit theksuan rëndësinë e mbështetjes së përpjekjeve për të ulur tensionet dhe për të forcuar stabilitetin rajonal.

E njëjta deklaratë riafirmoi angazhimin e Emirateve të Bashkuara Arabe për dialog dhe bashkëpunim rajonal. Raporti i takimit të së shtunës nuk njoftoi ndonjë ndryshim në kufizimet tregtare apo ndonjë marrëveshje specifike midis dy vendeve.

Ish-kreu i departamentit të kërkimit të inteligjencës ushtarake të Izraelit, Danny Citrinowicz, shpjegoi në një postim në X se pavarësisht të gjitha armiqësive midis Abu Dhabit dhe Teheranit, qasja në zhvillim e sipër e Gjirit, dhe veçanërisht e Emirateve të Bashkuara Arabe, është gjithnjë e më e qartë: menaxhoni rrezikun iranian në vend që ta shtyni Teheranin në një cep.

“Kjo nuk do të thotë besim. Rindërtimi edhe i një niveli bazë besimi midis dy palëve do të zgjasë me vite. Por nga perspektiva e Abu Dhabit, ruajtja e kanaleve me Teheranin është në vetvete një formë mbrojtjeje strategjike. Emiratet e Bashkuara Arabe kanë pak interes të bëhen një shtet në vijën e frontit në një luftë tjetër rajonale”, tha analisti izraelit i sigurisë.

Pezeshkian tha se ministrat e jashtëm arabë do të takohen në Muscat të hënën për të nënshkruar një marrëveshje që krijon një rrugë të përbashkët detare Iran-Oman përmes Ngushticës së Hormuzit, duke shpërfillur qëndrimin e bashkuar të vendeve të Gjirit se ngushtica duhet të jetë e hapur për lundrim të lirë ndërkombëtar.