Samiti i NATO-s në Ankara, Ministri Nufi mori pjesë në pritjen e ministrave të mbrojtjes të vendeve aleate

Në kuadër të Samitit të NATO-s që u mbajt në Ankara, Ministri i Mbrojtjes, Ermal Nufi, mori pjesë në pritjen joformale të organizuar nga Ministri i Mbrojtjes Kombëtare i Turqisë, Yaşar Güler, për ministrat e mbrojtjes të vendeve aleate të NATO-s.

Gjatë këtij aktiviteti, ministrat patën mundësinë të zhvillojnë biseda joformale mbi sfidat aktuale të sigurisë, të shkëmbejnë pikëpamje mbi prioritetet e Aleancës dhe të forcojnë bashkëpunimin ndërmjet vendeve anëtare.

“Takimi shërbeu si një mundësi për të forcuar më tej marrëdhëniet mes aleatëve, për të shkëmbyer mendime mbi çështjet aktuale të sigurisë dhe për të riafirmuar rëndësinë e bashkëpunimit, solidaritetit dhe unitetit në kuadër të Aleancës”, tha Nufi.

Pjesëmarrja e Shqipërisë në aktivitetet e Samitit të NATO-s rikonfirmon angazhimin e saj si një aleate e besueshme dhe aktive, e përkushtuar për forcimin e sigurisë kolektive dhe stabilitetit në hapësirën euro-atlantike. Gjithashtu gjatë samitit u vendos se takimi i ardhshëm i Aleancës së Atlantikut të Veriut në 2027 do të organizohet në Shqipëri.