Sawe pritet si hero në Kenia, rekordmenit të ri të maratonës i dhurohen 61,000 mijë $, një veturë dhe targa të personalizuara

Sipërmarrja e tij në “London Marathon 2026” nuk ka qenë vetëm një arritje në disiplinën e maratonës, por mund të konsiderohet si një hap i madh i racës njerëzore. Sebastian Sawe me rekordin (1:59:30) e vendosur në garën e “London Marathon 2026” ka arritur që të kthejë në realitet një ëndërr që prej vitesh ëndërronin shumë atletë. Ai u bë njëriu i parë që mbylli garën nën dy orë duke përmirësuar me 65 sekonda rekordin e mëparshëm të vendosur nga Kelvin Kiptum (2:00:35) në “Chicago Marathon 2023”.

“Jeta ime ka ndryshuar plotësisht”, tha atleti i Adidas, i cili zbriti mëngjesin e ditës së sotme në Nairobi. 30-vjeçari ka mirënjohjen e të gjithë vendit të tij ndërsa në “Jomo Kenyatta International Airport” u prit nga presidenti i Keanias, William Ruto dhe Ministri i Sporteve, Salim Mvurya. Ky i fundit e konsideroi triumfin e Sawe si “një fitore të të gjithë Kenias”.

Presidenti Ruto i dhuroi maratonomakut dy targa makine të personalizuara me numrat e rekordit që vendosi në maratonë. Po sot Sawe mori edhe një veturë, të cilën do ta zgjedhë sipas preferencës së tij ndërsa në bazë të ligjeve të vendit të tij të lindjes atij do t’i shkojë edhe një premio prej 61,000 mijë $.

“Ai vraponte shpejt që i vogël. Në atë kohë mendoja se im bir një ditë do të shndrisë”, tha nëna e Sebastian, Emily Sawe.

Ndërsa babai zbuloi se finishin e garës fantastike e kishte parë ritransmetim pasi në ato momente mungoi sinjali dhe lidhja me Anglinë u shkëput. “Në momentin kur djali im mori kryesimin u ngrita në këmbë, nuk më mbante vendi. Por finishin nuk munda ta shikoja direkt. Jam i emocionuar dhe nuk kam më zë”, tha Simion Kiplagat Sawe.