Sekretari i ri i OKB’së pritet të zgjidhet në fillim të tetorit, portugezi Antonio Guterres kandidati kryesor
Pas votimit të tretë të fshehtë të anëtarëve të Këshillit të Sigurimit të OKB-së, Sekretari i ri i Përgjithshëm i OKB-së pritet të zgjidhet në muajin e ardhshëm, pra në tetor.
Ndërkohë, votimi i katërt më radhë pritet të mbahet në fund të këtij muaji me shpresën se do të gjendet një konsensus për fituesin muajin që vjen.
Ish-kryeministri i Portugalisë, Antonio Guterres, e ka konsoliduar një epërsi të fortë në garë për t’u bërë shefi i ardhshëm i OKB’së.
Në votimin e fundit, ai mori 11 vota nga 15 anëtarë të Këshillit të Sigurimit me të drejtë vote.
Ndërkohë në garë mbetet edhe ish-shefi i Diplomacisë serbe, Vuk Jeremic, kandidatura e të cilit është kundërshtuar në Kosovë dhe në Bosnjë.
Ndërkohë, Sekretari i Përgjithshëm në largim i OKB-së, Ban Ki-moon, ka thënë se ai dëshiron që të ketë një grua si pasardhëse të tij.
Një portal, që në emër i ngjan The Guardian’it britanik, ka njoftuar se është zgjedhur Sekretari i ri i Përgjithshëm i OKB’së.
Aty thuhet se në krye të OKB’së ka ardhur Senatorja filipineze Leila De Lima duke pasuar kështu Ban Ki-Moonin në këtë post. Asnjë nga mediat serioze nuk e ka dhënë lajmin për zgjedhjen e Sekretarit të ri e as nga OKB nuk ka pasur ndonjë njoftim për këtë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.