Serbia pranë BE apo Rusisë? Nikoliç shpall zgjedhjet e parakoshme

Presidenti i Serbisë, Tomislav Nikollic, shpalli zgjedhjet e parakohshme. Pas vendimit të vet qeverisë dhe kryeministrit, Alleksandar Vucic, Serbia zyrtarisht do të konfirmoj edhe një herë rrugën e saj më afër BE-së apo Rusisë.

“Ndoshta për qytetarët është e vështirë, por kërkojmë një mandat të ri për të bërë reformat dhe ta dimë se jemi duke punuar drejt”, tha Tomisllav Nikolliç, President i Serbisë.

Zgjedhjet vinë në kohën kur Vucic është pa konkurrencë, në një periudhë të shpartallimit total të opozitës që përbëhet vetëm nga disa parti të vogla.

Vucic, i cili në pozitën e kryeministrit, forcoj marrëdhëniet me rajonin, por edhe ngriti fronte të reja, tani mund të ketë edhe një mandat katër vjecarë në kohën kur bisedimet me Kosovën priten të bëhen më intensive, por edhe interesit të Sebisë në negociatat për integrim. Së fundmi është hapur edhe tema e anëtarësimit në NATO, një gjë jo shumë e pëlqyer në Serbi. Në arsyetimin zyrtarë thuhet se Serbia ka nevojë të verefikoj rrugën e qartë dhe pa hamendje drejt hyrjes në familjen e popujve evropian.