Serwer: Kosova nuk është vendi ideal për prezencë të përhershme ushtarake amerikane

 “Do të isha i përgatitur ta marrë në konsiderim një prani të përhershme ushtarake amerikane në Europën Juglindore, por nuk mund të pajtohem që “Kampi Bondsteel është ideal për këtë qëllim.”

Nuk është. I mungon pista e gjatë prej 3048 metra dhe ndërtimi i saj do të ishte i vështirë duke pasur parasysh topografinë. Po ashtu nuk ka nevojë për diçka të tillë, pasi një F -16 nuk e njeh aq diferencën nga Aviano (në Italinë veriore), dhe Bondsteel’it” shkruan Serwer.

E ajo që është më e rëndësishme, sipas Daniel Serwer, një bazë amerikane kudo që të jetë ajo, duhet t’u shërbejë qëllimeve të Amerikës, që aktualisht janë të fokusuara nga Lindjen e Mesmen dhe në Afrikën Veriore.

“Ne kemi baza shumë më afër afër këtyre vendeve se sa Bondsteel’i. Pentagoni ka kohë që ka dashur ta mbyllë Bondsteelin, sepse nuk u shërben synimeve amerikane”

Serwer ka shkruar po ashtu se “mund të supozojmë se nuk do të jemi gjithmonë të mirëpritur në Kosovë. Kosovarët e rinj shqiptarë nuk e kuptojnë pse vendi i tyre nuk ka një armatë. NATO po shihet si një barrierë për të pasur atë. Disa ndërkombëtare mendojnë se Kosovës nuk i duhet një armatë sepse e ka praninë e NATO’s aty. Por, kjo nuk do t’u shitet gjatë qytetarëve të Kosovës. Më mirë të zgjidhet problemi se sa t’i presim të protestojnë” ka shkruar ai.