Shakira shpallet e pafajshme për evazion fiskal, Spanja do t’i paguajë 60 mln € kompensim

Gjykata Supreme e Spanjës e ka shpallur të pafajshme këngëtaren kolumbiane Shakira për akuzat për evazion fiskal.

Gjykata Supreme i dha Ministrisë së Financave spanjolle një kompensim prej më shumë se 60 milionë eurosh (një shumë që ajo e kishte paguar në gjoba, së bashku me interesat), sipas një dokumenti gjyqësor të cituar nga Reuters.

Në verën e vitit 2023, prokurorët nisën një hetim kundër Shakirës për shmangie të dyshuar të taksave prej 6.7 milionë eurosh në taksa për të ardhurat e vitit 2018, përmes një kompanie jashtë vendit.

Në nëntor 2023, ajo arriti një marrëveshje me prokurorët për një çështje tjetër në pritje kundër saj, duke paguar rreth 14 milionë euro taksa për vitet 2012-2014.

Pasi u divorcua nga futbollisti Gerard Pique në vitin 2022, ylli u zhvendos në Miami ku jeton me dy fëmijët e saj.