SHBA – Trump provokon sërish Melonin në prag të samitit të NATO-s

– Ministri i Mbrojtjes i Italisë, Guido Crosetto theksoi rëndësinë e marrëdhënieve të mira mes SHBA-së dhe Evropës, pasi presidenti amerikan, Donald Trump shkaktoi sërish tension me kryeministren italiane Giorgia Meloni, pak ditë përpara samitit të NATO-s, sipas “Reuters”.

Marrëdhënia mes tyre është përkeqësuar pas një seri deklaratash dhe postimesh publike.

Më herët, Meloni akuzoi Trump, se kishte “shpikur” një histori për të, pasi presidenti amerikan thq në një intervistë televizive, se ajo i kishte “kërkuar” të bënin një foto gjatë samitit të G7 në Francë.

Tani, në prag të samitit të NATO-s në Turqi, Trump e rindezi përplasjen duke postuar në rrjetin e tij social “Truth Social” një foto të Melonit ku ajo shihet duke e parë lart atë, me mbishkrimin: “NEVOJITET URDHËR NDALIMI”.

Kryeministrja italiane nuk ka reaguar ende.

Ministri italian i Mbrojtjes, Guido Crosetto, tha se Italia duhet të ruajë marrëdhëniet e forta me SHBA-në, pavarësisht tensioneve.

Ndërkohë, opozita italiane reagoi më ashpër, duke e kritikuar Trump dhe duke e quajtur sjelljen e tij “të papranueshme”.

Meloni, më herët ka qenë një mbështetëse e Trump dhe madje mori pjesë në ceremoninë e inaugurimit të tij pas rizgjedhjes si president në vitin 2025, por marrëdhëniet mes tyre janë përkeqësuar pas disa deklaratave të ndërsjella. /