Shisnin kokainë e hashash në ‘beach-baret’ e jugut, arrestohen 2 të dyshuarit! Njëri me makinë dhe tjetri me rulot, sek

Një operacion antidrogë është zhvilluar në bregdetin e jugut nga policia ditën e sotme (25 gusht) duke goditur një aktivitet të paligjshëm.

Një sasi prej rreth 150 dozash kokainë dhe kanabisi është sekuestruar nga Policia në Dhërmi, ndërsa dy persona janë arrestuar në flagrancë, të dyshuar për shitjen e lëndëve narkotike.

“Në pranga kanë përfunduar F. B., 31 vjeç, banues në Fier dhe E. K., 27 vjeç, banues në Vlorë. Të dy u kapën pranë një beach bar-i në fshatin Dhërmi, ndërsa dyshohet se posedonin doza kokainë dhe Cannabis Sativa me qëllim shitjen”, tha policia.

Gjatë kontrollit të automjetit të 31-vjeçarit, si dhe të ruloti ku ai qëndronte, Policia gjeti edhe doza të tjera të lëndëve të dyshuara narkotike.

Në total u sekuestruan rreth 150 doza kokainë dhe kanabis, si dhe automjeti i 31-vjeçarit.