Shkarkimi i ujërave në HEC-et e Drinit – KESH mbështet studimin për sigurinë e digave

Koorporata Elektroenergjitike Shqiptare (KESH) po mbështet hartimin e një studimi, që i jep zgjidhje shkarkimit të prurjeve të tepërta në kaskadën e Drinit, me qëllim rritjen e sigurisë së digave.

Studimet e fizibilitetit po hartohen nga një kompani gjermane dhe pritet të përfundojnë me janar të vitit 2017.

KESH sqaron se në përfundim të projektit do të kemi një studim fizibiliteti që do të shërbejë si bazë për financimin e investimeve në rritjen e kapaciteteve shkarkuese në kaskadën e lumit Drin, duke ndikuar në rritjen e sigurisë së digave në këtë kaskadë.

KESH sqaron se, menaxhimi i sigurt i plotave në kaskadën e lumit Drin ka impakt në rritjen e sigurisë së digave dhe ka si objektiv studimet dhe analizat  në përcaktimin e zgjidhjeve optimale inxhinierike.