☁️
Tiranë 20°C · Vranët 19 Nëntor 2026
S&P 500 7,324 ▼0.23%
DOW 50,198 ▼1.11%
NASDAQ 24,430 ▲0.42%
NAFTA 82.36 ▲0.06%
ARI 3,728 ▼0.38%
💱 VALUTAT
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
₿ CRYPTO
BTC $63,893 ▼ -0.49% ETH $1,807 ▲ +0.42% XRP $0.9882 ▼ -0.04% SOL $74.8100 ▲ +0.38%
S&P 500 7,324 ▼0.23 % DOW 50,198 ▼1.11 % NASDAQ 24,430 ▲0.42 % NAFTA 82.36 ▲0.06 % ARI 3,728 ▼0.38 % S&P 500 7,324 ▼0.23 % DOW 50,198 ▼1.11 % NASDAQ 24,430 ▲0.42 % NAFTA 82.36 ▲0.06 % ARI 3,728 ▼0.38 %
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
19 Nën 2026
Breaking
Kronika

Shkelje gjatë një hetimi, KLP merr masë disiplinore ndaj prokurores së Dibrës

Këshilli i Lartë i Prokurorisë (KLP) pranoi pjesërisht kërkesën e Inspektorit të Lartë të Drejtësisë (ILD) për caktim mase disiplinore ndaj magjistrates S.Q., prokurore pranë Prokurorisë së Gjykatës së Shkallës së Parë të Juridiksionit të Përgjithshëm Dibër, duke i caktuar masën “Vërejtje publike”, ndërsa ILD kishte propozuar masë “Ulja e pagës deri në 40 për qind për një periudhë jo më të gjatë se një vit”

Kërkesa e ILD erdhi pas një hetimi disiplinor të nisur kryesisht e që evidentoi shkelje të prokurores në zbatimin e legjislacionit procedural penal.

Sipas raportit të ILD prokurorja kishte refuzuar t’i përcillte Gjykatës së Apelit informacionin e kërkuar, duke e argumentuar me ruajtjen e sekretit hetimor. Gjykata e vlerësoi këtë qëndrim si zbatim i gabuar i legjislacionit procedural penal, që ndikoi në shqyrtimin e masës së sigurimit dhe kufizoi kështu mundësinë e gjykatës për të shqyrtuar plotësisht ankimin në një çështje që lidhej me të drejtën e individit për liri.

ILD vlerësoi se prokurorja kishte vijuar me të njëjtin qëndrim, pavarësisht njohurive dhe përvojës së saj profesionale. Sipas Inspektorit të Lartë të Drejtësisë, kjo sjellje e vullnetshme përbën shkelje të rëndë disiplinore, që dëmton imazhin e sistemit të drejtësisë, besimin e publikut dhe rrezikon të krijojë precedent negativ edhe për magjistratë të tjerë, duke nxitur përsëritjen e praktikave të papërshtatshme në raste të ngjashme.

Si konkluzion, ILD i propozoi KLP-së uljen e përkohshme të pagës deri në 40 për qind, për një periudhë deri në një vit ndaj prokurores S.Q., bazuar në nenin 102, pika 2, shkronja “a”, të ligjit nr. 96/2016, të ndryshuar. Këshilli i Lartë i Prokurorisë pranoi kërkesën pjesërisht, duke i caktuar masë tjetër, atë të “Vërejtjes publike”.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.