Shpërthen motori i skafit në “Porto Palermo” të Vlorës, 4 persona të plagosur! Nisen me urgjencë drejt Tiranës, shkak

Një ngjarje dramatike ka ndodhur mbrëmjen e sotme (17 gusht) në Porto Palermo të Vlorës.

Të paktën 4 persona kanë pësuar djegie të rënda në trup, ndërsa disa të tjerë kanë mbetur të dëmtuar më lehtë, si pasojë e shpërthimit të motorit të një skafi.

Dyshohet se shkak i shpërthimit ka qenë benzina që gjendej në skaf dhe përpjekjet për riparimin e motorit pasi në ato momenti mendohet se nuk po punonte mirë. Rrethanat e ngjarjes mbeten ende të paqarta dhe po hetohen nga policia vendore.

Sipas informacioneve paraprake, katër prej të lënduarve kanë pësuar djegie të shumta në pjesë të ndryshme të trupit.

Ata janë dërguar me urgjencë në Tiranë, për të marrë ndihmë më të specializuar mjekësore.

Në vendngjarje kanë mbërritur shërbimet e Policisë dhe Ambulancës, ndërsa po punohet për zbardhjen e plotë të rrethanave të shpërthimit.