🌦️
Tiranë 17°C · Rrebesh i lehtë 16 Nëntor 2026
S&P 500 7,562 ▼0.4%
DOW 52,348 ▲0.1%
NASDAQ 25,136 ▼0.91%
NAFTA 88.60 ▲0.05%
ARI 3,861 ▼0.65%
💱 VALUTAT
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
₿ CRYPTO
BTC $64,403 ▼ -1.75% ETH $1,801 ▼ -1.6% XRP $0.9480 ▼ -2.08% SOL $71.1300 ▼ -1.59%
S&P 500 7,562 ▼0.4 % DOW 52,348 ▲0.1 % NASDAQ 25,136 ▼0.91 % NAFTA 88.60 ▲0.05 % ARI 3,861 ▼0.65 % S&P 500 7,562 ▼0.4 % DOW 52,348 ▲0.1 % NASDAQ 25,136 ▼0.91 % NAFTA 88.60 ▲0.05 % ARI 3,861 ▼0.65 %
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
16 Nën 2026
Breaking
Politika

Shqipëria bëhet me godinë të re në Londër, ku ndodhet prona që kushtoi 3.7 milionë paund?

Shqipëria ka përfunduar blerjen e godinës së Ambasadës së saj në Londër, për një vlerë totale prej 3.7 milionë paundësh. Me këtë transaksion, shteti shqiptar siguron një pronë të vetën në kryeqytetin britanik, e cila do të shërbejë si seli e përfaqësisë diplomatike në Mbretërinë e Bashkuar.

Përfundimi i marrëveshjes është bërë publik edhe nga një përfaqësues ligjor i kompanisë britanike Bolt Burdon, e cila ka asistuar Republikën e Shqipërisë gjatë gjithë procesit të blerjes.

Sipas përfaqësuesit ligjor, transaksioni ka përfshirë një sërë procedurash dhe çështjesh të veçanta juridike, për shkak të statusit të shtetit shqiptar si blerës i një prone në territorin britanik. Mes tyre kanë qenë edhe çështjet që lidhen me regjistrimin ligjor të një shteti të huaj dhe njohjen e imunitetit diplomatik.

Procedurat për blerjen e godinës u miratuan nga Këshilli i Ministrave më 23 janar 2026, përmes vendimit nr. 47. Në atë kohë, qeveria përcaktoi një fond limit prej 520 milionë lekësh për realizimin e këtij investimi, ndërsa procesi iu ngarkua Ministrisë për Evropën dhe Punët e Jashtme, në bashkëpunim me Ambasadën shqiptare në Londër.

Sipas vendimit të qeverisë, prona duhej të përmbushte kushtet e nevojshme për zhvillimin e aktivitetit diplomatik dhe konsullor, të garantonte sigurinë fizike dhe të mos kishte pengesa apo barrë ligjore. Për përzgjedhjen e saj ishte parashikuar shqyrtimi i të paktën tri ofertave nga një komision i posaçëm ndërinstitucional.

Shuma përfundimtare e negociuar për blerjen e godinës arriti në 3.7 milionë paund, duke përmbyllur kështu procesin e sigurimit të një selie në pronësi të shtetit shqiptar në Londër.

Blerja e godinës përbën një investim afatgjatë për përfaqësinë diplomatike shqiptare, duke i siguruar asaj një ambient të përhershëm për ushtrimin e funksioneve dhe shërbimeve ndaj qytetarëve shqiptarë që jetojnë apo ndodhen në Mbretërinë e Bashkuar.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.