Shqipëria dhe Bullgaria së bashku në gjysmëfinalen e dytë të “Eurovision 21”

Përfaqësueset e Shqipërisë dhe të Bullgarisë këngëtaret e talentuara Anxhela Peristeri dhe Viktoria Georgieva do të përformojnë në gjysmëfinalen e dytë të konkursit më të madh evropian “Eurovision 21”, edicioni i të cilit sivjet do të zhvillohet në Roterdam të Hollandës.

Në natën e dytë, më 20 maj, Shqipëria do të prezantohet me kengëtaren Anxhela Peristeri e cila do të interpretojë kengën “Karmen”, me muzikë të Kledi Bahiti dhe tekst Olti Curri. Anxhela Peristeri do të  këndojë natën e dytë  gjysemfinale dhe është  e 11 në  radhë.

Ndërsa, po natën e dytë, në  mbrëmjen e 20 majit, përfaqësuesja e Bullgarisë Viktoria do të prezantojë e 17 e radhë, këngën e saj “GrowingUpisGettingOld” (Duke u rritur po plakesh). Vetë Viktoria ka krijuar muzikën dhe tekstin e kësaj balade lirike. Ajo ka zgjedhur të prezantohet me këngën më të vështirë në repertorin e saj sepse përmes saj tregohet një përrallë filozofike për një udhëtim drejt vetë-përmirësimit duke rishikuar rrënjët tuaja dhe vendet ku ndiheni të sigurt. Në skenën e “Eurovisionit” Viktoria do të prezantohet me një përformancë të frymëshuar nga libri i saj më të dashur “Princi i Vogël”.

Viktoria 23-vjeçare këndon që nga mosha 7-vjeçare, por bëhet e njohur në Bullgari me pjesëmarrjen e saj në programin televiziv “X Factor”. Ajo është edhe kantautore të shumica prej këngëve të veta.

“Të presësh Eurovision-in në këtë periudhë të veçantë nuk është një përgjegjësi që e kemi marrë me lehtësi”, theksoi drejtori ekzekutiv i konkursit, Martin Oesterdahl. Prezantues për “Eurovision 21”, do të jenë aktorja dhe drejtuesja e televizionit Chantal Janzen, këngëtari dhe komentatori i konkursit Jan Smit dhe këngëtarja Edsilia Rombley.

Rreth 3 500 persona, me kushtin e prezantimit të një testi negativ, por pa maska, do të marrin pjesë në finalen e konkursit në qytetin portual të Roterdamit.

Edicioni 2020 i Eurovision u anulua për herë të parë në historinë e kompeticioneve për shkak të pandemisë.