Shqipëria këtë vit me rritje ekonomike për 3.2%

Viti 2016 për Bankën e Shqipërisë parashikon një rritje ekonomike për 3.2 përqind. Në vitin e kaluar rritja ekonomike ishte 206 përqind dhe faktor i rëndësishëm për këtë ishte kriza në Greqi.

Kështu ka deklaruar guvernatori i BSH, Gent Sejko i cili për “Zërin e Amerikës” ka bërë një rezyme të zhvillimit ekonomik në vend. Sejko zhvilloi një takim në Uashington ku mori pjesë në Mbledhjet e Pranverës të Fondit Monetar Ndërkombëtar dhe të Grupit të Bankës Botërore.

“Kujtojmë që Banka e Shqipërisë e Fondi Monetar Ndërkombëtar kanë parashikuar për këtë vit që rritja ekonomike të jetë në shifrën 3.4%. trajtimi i çështjes së e kredive me probleme ka qenë një ndër angazhimet kryesore të Bankës së Shqipërisë, e shoqëruar me një plan veprimi të mirëmenduar për reduktimin e tyre, ku përfshihen një sërë përmirësimesh ligjore, fiskale dhe rregullatorë”, ka thënë Sejko.   Ai është shprehur se zbatimi i këtij plani ndihmoi në zbritjen e nivelit të kredive me probleme në 18.2 %, në fund të vitit 2015.