Shqipëria kundër Trump, voton rezolutën që dënon njohjen e Jeruzalemit

Mes votave kundër rezolutës ishin padyshim SHBA dhe Izraelit, i cili e cilësoi OKB-në më herët një shtëpi gënjeshtrash, ndërsa mes abstenimeve bie në sy Kanadaja dhe Meksika, të cilat ndërsa kritikuan qëndrimin amerikane, gjithashtu fshikulluan edhe OKB-në se me një rezolutë të tillë të njëanshme nuk bën asgjë për paqen.

Vota e djeshme ishte një moment i veçantë për Shqipërinë, që votoi kundër vendimit të Presidentit Trump për të njohur Jeruzalemin si kryeqytet të Izraelit dhe zhvendosjes së ambasadës amerikane nga Tel Avivi në Jeruzalem. Vete Presidenti Trump kishte thënë më herët se kombeve që do të votonin kundër Amerikës do t’iu ndërpritej asistenca financiare.

Shqipëria është pikërisht njeri prej vendeve që e përfiton këtë lloj mbështetjeje nga Shtetet e Bashkuara. Më herët edhe ambasadorja amerikane në OKB, Nikky Haley kishte paralajmëruar se do të mbaheshin shënim mënyra se si do të votonin të gjitha shtetet. Ndërkohë që ambasadorja dhe bashkëshorti i saj me origjinë shqiptare kishin marrë pjesë gjatë të mërkurës në një pritje të konsullatës së përgjithshme të Kosovës në Nju Jork, ku ambasadorja kishte premtuar Shtetet e Bashkuara do të angazhoheshin fuqishëm për njohje të tjera të pavarësisë së Kosovës.

Seanca emergjence si kjo janë vetëm 10 qe prej vitit 1950 dhe hera e fundit kur u zhvillua një mbledhje e tille në OKB ishte ne 2009-ten, ku ne fokus ishin pikërisht diskutimet për Jeruzalemin lindor dhe territoret e pushtuara palestineze.

Shqipëria e vogël u përfshi në këtë çështje globale për shkak të angazhimit të saj në organizmat ndërkombëtarë. Një javë më parë Shqipëria mori pjesë në samitin urgjent të Organizatës së bashkëpunimit islamik në Stamboll, ku rezoluta e përbashkët ku Jeruzalemi u thirr me emrin arab Al-Quds, dënoi vendimi e presidentit Trump për njohjen e Jeruzalemit, duke u shprehur se vendimi i Presidentit Trump për të njohur Jeruzalemin si kryeqytet të Izraelit ishte një tërheqje e Uashingtonit nga roli i tij në procesin e paqes në Lindjen e Mesme.

Një ditë më pas, ministri Bushati në një farë mënyre e kishte pohuar qëndrimin e Shqipërisë, kur kishte justifikuar pjesëmarrjen e Shqipërisë në samitin e Organizatës së Bashkëpunimit islamik.