Si Rusia po përdor aplikacionin Max për të spiunuar qytetarët e saj?

Gjatë 18 muajve të fundit, dhjetëra milionë rusë janë detyruar të instalojnë një aplikacion të ri në telefonat e tyre -një buton vjollcë-blu i projektuar për mesazhe dhe pagesa, i quajtur Max.

Sipas The Guardian, autoritetet e kanë reklamuar atë si një alternativë patriotike ndaj Telegram dhe WhatsApp. Personazhet e famshëm rusë e kanë promovuar atë në video repi dhe komike. Këtë verë, ai u bë aplikacioni i mesazheve më i përdorur në vend.

Studiuesit thonë se Max mund të imitojë përdoruesit dhe të fusë kod në mini-aplikacione, duke krijuar potencial për sulme kibernetike. Megjithatë, ai nuk mund të depërtojë në aplikacione si Telegram dhe WhatsApp, të cilat janë të ndaluara në Rusi.

Shumë punonjës shtetërorë, studentë, mësues e nxënës janë përballur me presion për të përdorur Max, ndërsa disa universitete e kanë bërë aplikacionin të nevojshëm për qasje në ndërtesa dhe konvikte.

Në mesin e elitës ruse, përdorimi i Max duket kryesisht formal, ndërsa Telegram dhe Signal vazhdojnë të përdoren. Max gjithashtu ende nuk e ka zëvendësuar Telegramin si burim kryesor lajmesh.

Studiuesja Roya Ensafi paralajmëroi se përhapja e shpejtë e Max në Rusi duhet të shërbejë si “alarm” për mënyrën se si qeveritë autoritare mund të kontrollojnë komunikimin digjital.