Spalletti: Jo gjithçka është për t’u hedhur poshtë, mungesa e fatit nuk na justifikon

Luciano Spalletti foli para ndeshjes ndaj Lecce, vendimtare për garën drejt Champions-it. Pas hapit fals ndaj Veronës, ai deklaroi: “Duam të rinisim nga fundi i ndeshjes së kaluar. Jo gjithçka ishte për t’u hedhur poshtë, publiku na njohu impenjimin dhe cilësinë. Gabimi që nuk duhet ta bëjmë është të justifikohemi me mungesën e fatit”.

Për kundërshtarin: “Luajmë ndaj një skuadre të organizuar. Njoh mirë Eusebio Di Francesco dhe Corvinon. Do të duhet maksimumi për të marrë rezultat në një fushë të tillë”. Mbi formacionin: “Vlahović titullar është një mundësi, por nuk duhet ta ngarkojmë me shumë përgjegjësi”.

Spalletti pranoi vështirësitë psikologjike: “Kur nuk fiton, dhomat e zhveshjes ndihen keq. Dhimbja të mëson dhe ta forcon karakterin”. Për ekipin shtoi: “Jam shumë i kënaqur me cilësinë e shprehur në kampionat, por kemi humbur disa momente kyçe që na kushtuan shtrenjtë”.

Për Loïs Openda: “Është shumë profesionist, por zgjodha lojtarë që mendoja se mund të na ndihmonin më shumë”.