“Spanja mbështet integrimin e Shqipërisë në BE”, Peleshi takon kryeparlamentaren spanjolle në Madrid

Kryetari i Kuvendit, Niko Peleshi, zhvilloi sot (26 maj) një takim në Madrid me kryetaren e Kongresit të Deputetëve të Spanjës, Francina Armengol, ku në qendër të diskutimeve ishin marrëdhëniet shumë të mira mes dy vendeve dhe mbështetja e vazhdueshme që Spanja i jep procesit të anëtarësimit të Shqipëria në Bashkimi Europian.

Përmes një postimi në rrjetin e tij social, Peleshi bëri të ditur se gjatë takimit u diskutua mbi forcimin e bashkëpunimit parlamentar për përafrimin e legjislacionit shqiptar me atë europian, si edhe mbi aspektet politike dhe teknike të procesit të integrimit.

Në fokus të bisedës ishin gjithashtu partneriteti euroatlantik dhe zgjerimi i marrëdhënieve dypalëshe në fusha si ekonomia, investimet, arsimi, kultura, turizmi dhe mbrojtja e mjedisit, si edhe roli i parlamenteve në afrimin e mëtejshëm mes dy vendeve.

“Madrid  me Kryetaren e Kongresit të Deputetëve të Spanjës, Francina Armengol, mbi marrëdhëniet shumë të mira mes dy vendeve tona, si edhe për mbështetjen e madhe dhe të vazhdueshme që Spanja i jep procesit të anëtarësimit të Shqipërisë në Bashkimin Europian.

Në fokus të bisedës, forcimi i bashkëpunimit parlamentar për përafrimin e legjislacionit, aspektet politike e teknike të anëtarësimit, partneriteti euroatlantik dhe zgjerimi i marrëdhënieve dypalëshe në ekonomi, investime, arsim, kulturë, turizëm, mbrojtjen e mjedisit si edhe roli i parlamenteve në afrimin e mëtejshëm mes dy vendeve.

Shqipëria mbetet e vendosur në rrugën e saj europiane, me bindjen se partneriteti dhe mbështetja e vendeve mike e partnere janë një vlerë e rëndësishme në këtë proces”, shkruan Peleshi.