Spektakël në PSG-Bayern? Rooney-Capello kundër rrymës: Nuk ishte normale…

Në të nxehtë, opinioni dhe tifozët, shpërthyen në elozhe pas sfidës PSG-Bayern, një futboll total, një futboll i bukur ofensivë, por jo të gjithë e shohin në këtë mënyrë, personazhe ikonë të futbollit botëror, panë edhe anën tjetër të medaljes, është jashtë logjike që një sfidë në një nivel kaq të lart të prodhojë 9 […]

Në të nxehtë, opinioni dhe tifozët, shpërthyen në elozhe pas sfidës PSG-Bayern, një futboll total, një futboll i bukur ofensivë, por jo të gjithë e shohin në këtë mënyrë, personazhe ikonë të futbollit botëror, panë edhe anën tjetër të medaljes, është jashtë logjike që një sfidë në një nivel kaq të lart të prodhojë 9 gola. I këtij mendimi ishte edhe Wayne Rooney, me ish futbollistin e Man.United që nuk ishte dakord me fjalët e thëna nga Harry Kane pas ndeshjes:

“Mendoj se mbrojtja e të dy ekipeve ishte në një mbrëmje të errët. Mbrojtja e Bayern përbëhet nga lojtarë si Upamecano, Tah, Davies dhe Stanisic, por në çdo rast u kaluan me shumë lehtësi nga yjet e PSG. Me gjithë respektin për Neuer, por nuk bëri asnjë pritje të vetme. Gjithsesi e kuptoj Kane, ai po përpiqet t’i jap besim ekipit për ndeshjen tjetër”

, u shpreh Wayne Rooney.

Thuajse në të njëjtën linjë ishte edhe trajneri legjendar, Fabio Capello:

“Ishte diçka e bukur, mbase më shumë se sa pritej. Ishte një ndeshje interesante, por me shumë gola. Portierët pritën pak, Neuer fare. Çdo goditje përfundonte në rrjetë, kjo edhe për meritë të atyre që goditën, ishin thuajse perfekt”

, u shpreh Capello.

Në analizën e tij për Sky Sport, Capello i thuri elozhe sulmuesit të Bayern, Olise, në sytë e tij gara për “Topin e Artë” këtë sezon pritet të jetë mes tij dhe Lamine Yamal:

“Për mua do të jetë një garë mes tyre, por Olise ka diçka me të vërtetë speciale”,

theksoi Capello.