Starmer për trazirat në Irlandën e Veriut: Përgjegjësit do të përballen me forcën e plotë të ligjit

Kryeministri britanik Keir Starmer i përshkroi sot incidentet e dhunshme kundër emigrantëve që ndodhën të martën në mbrëmje në Belfast, Irlandën e Veriut , pas një sulmi me thikë nga i dyshuari, një refugjat sudanez, si “tronditëse” dhe “krejtësisht të papranueshme”.

“Asgjë nuk mund të justifikojë dhunën dhe trazirat që kemi parë, duke kërcënuar komunitetet tona, as veprimet e atyre që i inkurajuan ato në internet dhe gjetkë. Është e qartë se njerëzit u vunë në shënjestër mbrëmë për shkak të origjinës së tyre dhe unë nuk do ta toleroj këtë”, tha ai në një deklaratë.

“Ata që janë përgjegjës do ta ndiejnë forcën e plotë të ligjit”, shtoi ai.

I dyshuari për sulmin në veri të Belfastit, 30-vjeçari sudanez Hadi Alodid, u paraqit sot në gjykatë, e cila urdhëroi paraburgimin e tij. Viktima, rreth 40 vjeç, pësoi lëndime të rënda në fytyrë dhe shpinë.

The scenes in Belfast last night were shocking and completely unacceptable.There is no justification for the violence and disorder that we saw threatening our communities, nor for those who encouraged it, online or elsewhere. It is clear that people were targeted last night…