Studentët e maskuar nisin përsëri sulm ndaj Policisë, uniformat i përgjigjen me gaz e ujë dhe i rrethojnë nëpër rrugë!

Përshkallëzohet situata te Kryeministria.

Përplasje mes protestuesve dhe policisë, përdoret spraj me piper, nisin shoqërimet.

Situata është tensionuar më tej para Kryeministrisë, ku protestuesit janë përplasur dhe shtyrë me efektivët e policisë, të cilët po përpiqen t’i largojnë nga zona.

Protestuesit sulmuan me gurë e molotov policinë, por uniformat i ndoqën nga pas me gaz e ujë.

Gjatë përplasjeve, ndaj protestuesve është përdorur spraj me piper dhe gaz lotsjellës, në përpjekje për të shpërndarë turmën dhe për të larguar qytetarët nga godina e Kryeministrisë.

Ndërkohë, në terren kanë nisur edhe shoqërimet e protestuesve nga ana e policisë, teksa situata vijon të jetë e tensionuar.