Sulmi rus me dron vret pesë persona në autobus në rajonin juglindor të Ukrainës, thotë guvernatori

Një sulm rus me dron ndaj një autobusi pasagjerësh vrau pesë persona dhe plagosi të paktën shtatë të tjerë të mërkurën në juglindje të Ukrainës, në zonën përreth qytetit të Nikopolit, njoftoi guvernatori rajonal.

Guvernatori i rajonit Dnipropetrovsk, Oleksandr Hanzha, e njoftoi sulmin në Telegram, duke publikuar një foto të një automjeti të bardhë me xhama të thyer dhe gjak që rrjedhte nga ana e tij.

“Rusët goditën në mënyrë cinike një autobus pasagjerësh. Ata synuan një minibus që mbante njerëz që merreshin me punët e tyre të përditshme,” tha Mykola Lukashuk, kreu i këshillit rajonal të Dnipropetrovsk-ut.

Nikopol ndodhet përballë territorit të pushtuar nga Rusia, vetëm pak kilometra larg në bregun tjetër të lumit Dnipro, dhe është shënjestër e rregullt e sulmeve ruse.

Nuk pati koment të menjëhershëm nga Rusia për sulmin. Si Ukraina ashtu edhe Rusia mohojnë se synojnë qëllimisht civilët në luftë.

Burimi: Reuters