Tahiri: Policia sot, institucioni më i besuar

Ministri i Brendshëm Saimir Tahiri teksa është rikthyer pas në kohën kur ai mori drejtimin e këtij institucioni theksoi se punonjësit e policisë kishin nivelin më të ulët arsimor.

I pranishëm në Konferencën Shkencore të Akademisë së Sigurisë Tahiri pohoi se tashmë sondazhet tregojnë se Policia e Shtetit është institucioni më i besuar.

Ai ndër të tjera tha se rendi i kandidatëve për akademi të policisë është 10 me 1. “Sipas sondazheve, policia është institucioni më i besuar. Policia është institucioni më i besuar, është medalje e çmuar. Rendi i kandidatëve për Akademi të Policisë është 10 me 1. Kemi ende shumë punë për të bërë për të rinj e të reja”, tha Tahiri.