TË GJITHA LLOJET E KARBURANTEVE SHTRENJTOHEN

_{Foto: Shutterstock}

Të gjitha llojet e karburanteve në Mal të Zi do të shtrenjtohen, njoftoi Ministria e Energjisë dhe Minierave.

Çmimi i Eurosuper 98 do të rritet me shtatë centë dhe do të kushtojë 1.80 euro për litër.

Me shtatë centë do të shtrenjtohet edhe Eurosuper 95, dhe do të kushtojë 1.76 euro.

Eurodizel do të kushtojë 1.88 euro, që përbën një rritje prej gjashtë centësh, ndërsa vaji për ngrohje do të shtrenjtohet me dhjetë centë dhe do të kushtojë 1.80 euro për litër.

Çmimet e reja të derivateve do të jenë në fuqi nga 18 deri më 24 gusht.

Sipas Ministrisë, përllogaritja është bërë në bazë të Vendimit për uljen e shumës së akcizës për qarkullimin e vajrave të gazit, si dhe Rregullores për mënyrën e llogaritjes së çmimeve maksimale me pakicë të llojeve të caktuara të derivateve të naftës.

Përllogaritja e radhës do të bëhet më 24 gusht, ndërsa çmimet eventualisht të ndryshuara do të hyjnë në fuqi më 25 gusht.