Arrestohet 22-vjeçari në Novi Pazar, dyshohet se goditi qëllimisht me makinë një 58-vjeçar në parkingun e qendrës
I plagosuri pësoi lëndime të rënda trupore dhe u shtrua në Spitalin e Përgjithshëm të Novi Pazarit, ndërsa të dyshuarit iu caktua ndalimi deri në 48 orë
Policia në Novi Pazar arrestoi S. H. (22) nga ky qytet, nën dyshimin se ka kryer vrasje në tentativë, siç njoftoi Ministria e Punëve të Brendshme e Serbisë në njoftimin e përcjellë nga portali SNM.
Sipas policisë, dyshohet se i riu, të hënën rreth orës 09:10, në një parking në qendër të Novi Pazarit, e goditi qëllimisht me automjet një bashkëqytetar 58-vjeçar, siç raporton edhe Newsmax Balkans, duke iu referuar Drejtorisë së Policisë në Novi Pazar.
Burri 58-vjeçar pësoi lëndime të rënda trupore dhe u shtrua për trajtim në Spitalin e Përgjithshëm të Novi Pazarit.
Të dyshuarit iu caktua ndalimi deri në 48 orë, pas të cilit, me kallëzim penal, do të dërgohet në Prokurorinë e Lartë Publike në Novi Pazar.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.