Te Milan shpesh i dëmtuar, Atalanta synon Ardon Jashari për sezonin e ardhshëm

Atalanta po ndjek nga afër Ardon Jashari, mesfushorin zviceran të Milan. 23-vjeçari me origjinë shqiptare, pati një sezon të parë të pafat në Itali, ku mbërriti verën e kaluar.

I penguar nga një dëmtim i gjatë, ai u aktivizua në vetëm 14 ndeshje në Seria A nga trajneri Allegri, 17 ndeshje në total me kuqezinjtë sezonin e kaluar, pa shënuar asnjë gol.

Gjithsesi, drejtori i ri sportiv i Atalanta, Cristiano Giuntoli, i cili e ka ndjekur atë që nga koha e tij në Juventus, është shumë i interesuar për mesfushorin zviceran dhe po ndjek nga afër situatën.

Tani mbetet për t’u parë nëse kuqezinjtë do të jenë të hapur për një lëvizje të Jashari, në huazim apo shitje. Ai që do të vendosë do të jetë trajneri i ardhshëm i Milan, ende një enigmë.