Teatri i Operës e Baletit shpall disa nga fituesit e Konkursit “Tish Daija”

Në kuadër të 100-vjetorit të lindjes së kompozitorit Tish Daija, Teatri Kombëtar i Operës, Baletit dhe Ansamblit Popullor shpall veprat fituese të Konkursit Kombëtar të Krijimtarisë Muzikore “Tish Daija”, në kategorinë e krijimtarisë për orkestër simfonike.

Katër veprat fituese janë: “Rapsodia e Jugut” e kompozitorit Endri Sina; “Eclipsis Lunaris” kompozuar nga Fjolla Gashi; “Rugovë” kompozuar nga Jurgen Muharremi dhe “Voices” e kompozitorit Kris Sopiqoti.

TKOBAP uroi kompozitorët fitues dhe bëri të ditur se këto krijime do të marrin jetë në skenë, duke pasuruar repertorin orkestral dhe duke vijuar traditën e çmuar të muzikës shqiptare.

Më herët TKOBAP ka shpallur edhe fituesit në kategorinë e krijimtarisë për orkestër harqesh:

• Ajet Çekiçi – “Skerco”
• Arjan Brahimi – “Pejsazh Baritor”
• Armand Broshka – “Përgjimi”
• Denis Baftjari – “Variacione String”
• Endri Sina – “Sunset to Sunrise”
• Erli Lila – “Automaton”
• Ina Kosturi – “Fantasy for String Orchestra”
• Jetmir Zaganjori – “Fractal of Stillness”
• Justin Petoshati – “Nocturn”
• Justinian Kissi – “Labëria”

Konkursi ka mbështetjen e Ministrisë së Turizmit, Kulturës dhe Sportit dhe synon nxitjen e krijimtarisë së re dhe mbështetjen e kompozitorëve të muzikës së kultivuar shqiptare.

Veprat e shpallura fituese do të bëhen pjesë e edicionit të parë të Festivalit “Netët e Muzikës Shqiptare”, i cili do të organizohet nga Teatri Kombëtar i Operas, Baletit dhe Ansamblit Popullor gjatë muajit nëntor.