⛅
Tiranë 18°C · Pjesërisht vranët 17 Nëntor 2026
S&P 500 7,417 ▼1.92%
DOW 51,608 ▼1.41%
NASDAQ 24,510 ▼2.49%
NAFTA 87.16 ▲1.68%
ARI 3,862 ▲0.23%
💱 VALUTAT
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
₿ CRYPTO
BTC $64,998 ▲ +0.77% ETH $1,826 ▲ +0.04% XRP $0.9762 ▲ +2.11% SOL $73.8800 ▲ +3.42%
S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 87.16 ▲1.68 % ARI 3,862 ▲0.23 % S&P 500 7,417 ▼1.92 % DOW 51,608 ▼1.41 % NASDAQ 24,510 ▼2.49 % NAFTA 87.16 ▲1.68 % ARI 3,862 ▲0.23 %
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
17 Nën 2026
Breaking
Arte

Thesaret e koleksionit të Artan Lames, për herë të parë për publikun në ekspozitën “Monarkia”

Në Qendrën Muzeale “Garda” në Tiranë, u çel ekspozita numizmatike, faleristike dhe filatelike “Monarkia”, e cila sjell një pasqyrë të historisë shqiptare përmes koleksionit të Artan Lames.

Objektet janë pjesë e koleksionit privat të studiuesit dhe koleksionistit Artan Lame, të sjella në këtë ekspozitë nga vajza e tij, Lisia Lame. Mes objekteve të ekspozuara spikasin dy flamuj të periudhës së Princ Vidit, kartolina, medalje, uniforma dhe fotografi të rralla. Madje edhe pena personale e mbretit Zog, me të cilën ai firmosi kontratën e martesës.

Lisia Lame deklaroi për mediet se ka qenë një ëndërr e babait të saj, për të bërë ekspozita të tilla, për ta treguar koleksionin e tij privat. Koleksioni përfshin 200 flamuj, gjithashtu uniforma, pajisje ushtarake e sende të tjera të rralla.

E bija e koleksionistit, tha se kjo ekspozitë e përkohshme është vetëm një hap i parë, një kapsulë e vogël krahasuar me atë që mund të mbajë një muze i plotë.

Ekspozita prezanton objektet në rend kronologjik duke nisur me figurën e Skënderbeut, vijon me periudhën e Princ Vidit dhe përqendrohet te monarkia e Ahmet Zogut, përgjatë viteve 1928–1938. Përtej rëndësisë historike dhe vlerës së objekteve, secili prej tyre dëshmon edhe procesin e gjatë të kërkimit dhe ruajtjes nga koleksionisti.

Projekti synon të shkojë përtej një ekspozite të përkohshme, me ambicien për krijimin e një muzeu ku kjo pasuri të jetë e aksesueshme për të gjithë.

Ekspozita “Monarkia” sjell kështu në vëmendje një fond me rëndësi për dokumentimin e historisë shqiptare, duke e kthyer një pjesë të koleksionit të Artan Lames në pasuri të ekspozuar për publikun. Ajo do të qëndrojë e hapur edhe nesër dhe është realizuar në bashkëpunim me Ministrinë e Turizmit, Kulturës dhe Sportit, si dhe Shoqatën e Koleksionistëve të Shqipërisë.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.