Tirana, trajneri Klafuriç: Një fitore shumë e rëndësishme

“Një fitore e vështirë, por dhe shumë e rëndësishme. Laçi është një ekip shumë i mirë”. Trajneri i Tiranës, Dean Klafuriç ka komentuar për “Super Gol” fitoren 1-0 të arritur përballë Laçit”.

“Ishte një fitore shumë e rëndësishme. Dua të përgëzoj ekipin kundërshtar për mënyrën se si luajti, janë shumë agresivë, vrapojnë shumë, mbështesin dhe luajnë për njëri-tjetrin. Është shumë e vështirë kundër tyre”.

“Është një skuadër që nuk na përshtaten për stilin tonë të lojës, ndaj, për këto arsye, ishte një fitore shumë e rëndësishme për ne. Edhe për se lojtarët e mi sot nuk ishin në nivelin normal, më shumë se 90% e tyre nuk ishin në nivelin e zakonshëm”.

“Jam i lumtur që reaguam në pjesën e dytë, u zgjuam dhe taktikisht ishim shumë më mirë se në pjesën e parë. Është e rëndësishme që, kur nuk je mirë dhe nuk je në ditën tënde, kur nuk di të shprehësh cilësitë e tua, të fitosh ndeshjen. Këtë mund ta bëjnë vetëm ekipet me cilësi”.

Ende nuk ka komente. Bëhuni i pari që komenton.