Torres drejt PSG-së, Barcelona ka dy alternativa për zëvendësuesin e tij

Tashmë mund të quhet thjesht çështje kohe, por Ferran Torres do të mbajë veshur fanellën e PSG-së për sezonin e ardhshëm. Klubi parizien ka gjetur gjuhën e përbashkët me sulmuesin, ndërsa ende mungon marrëveshja me Barcelonën.

Në anën tjetër, katalanasit pretendojnë për një shifër 50 milionë euro për të lënë të lirë Torres, kontrata e të cilit skadon në fund të sezonit të ardhshëm, pra në qershor.

Largimi i Torres, detyron Barcelonën të transferojë një sulmues tjetër, përveç dëshirës kryesore që është Julian Alvarez. Sport zbulon dy emrat që kanë përfunduar në radarin e Barcelonës si zëvendësues të Ferran Torres.

I pari është Dusan Vlahovic, i cili mund të vijë si lojtar i lirë. I dyti është sulmuesi i Kosovës, Fisnik Asllani, për të cilin Hoffenheim kërkon 30 milionë euro.