Tragjedi familjare, vdes edhe vëllai i kantautorit Mango

Një tragjedi familjare e përmasave të rënda ka ndodhur pas vdekjes së këngëtarit të njohur Mango(Emri i tij ishte Giuseppe).

Pa mbushur 24 orë nga vdekja në skenë e kantautorit të njohur, ka humbur jetën dhe vëllai i tij Giovanni Mango, sipas gjasave edhe ai si pasojë e infarktit siç i ndodhi Giuseppe-s. I cili thirrej Pino nga të njohurit.

Giovanni Mango ishte 75 vjeç dhe punonte si mirator. Sipas njoftimeve të mjekëve ai u ndje keq sapo mësoi vdekjen e të vëllait, në kohën ku familjarët ishin mbledhur për të përgatitur funeralin e kantautorit të njohur, i cili ishte popullor edhe në Shqipëri.

I ndodhur në shtëpinë e vëllait, Giovanni Mango, është goditur nga një infarkt i fortë, ndërkohë që edhe pse i është dhënë menjëherë ndihma e parë nuk ka arritur dot të mbijetonte.